इतिहासाच्या पानात हरविलेले मराठा वीर – छत्रपती शिवरायांचे शिलेदार गोदाजी जगताप 🙏🚩
स्वराज्य स्थापनेचा काळ हा संघर्षांनी व्यापलेला होता. छत्रपती शिवाजी महाराजांनी जिजाऊ आईसाहेबांच्या मार्गदर्शनाखाली मावळातील किल्ले एक-एक करून जिंकायला सुरुवात केली. तोरणा, सुभानमंगळ, रोहिडा अशा गडांवर भगवा फडकताच, अदिलशाहीस धास्ती बसली.
सन १६४८ मध्ये विजापूरचा अदिलशाह शिवरायांचा बंदोबस्त करण्यासाठी फत्तेखान याला पाठवतो. खानाने बेलसर येथे आपली छावणी टाकली. सुभानमंगळ किल्ल्यावर हल्ला करून तो काबीज केला. हा मराठ्यांचा पहिला पराभव होता.
परंतु शिवरायांच्या शिलेदारांनी कधी हार मानली?
छत्रपतींनी कावजी मल्हार यांना आदेश दिले आणि एका रात्रीत सुभानमंगळ पुन्हा स्वराज्यात दाखल झाला.
यानंतर मराठा सरदार बाजी पासलकर, कान्होजी जेधे, बाजी जेधे व गोदाजी जगताप यांनी थेट बेलसर छावणीवर हल्ला चढवला. अचानक झालेल्या या धाडसी हल्ल्याने फत्तेखानाची छावणी गडबडली.
पुरंदरची रणकहाणी ⚔️
फत्तेखानाचा सरदार मुसेखान पुरंदर गडावर चालून आला. गडाला वेढा पडला. मराठ्यांच्या धाडसी सरदारांनी तुंबळ युद्ध छेडले.
-
बाजी पासलकर, कान्होजी जेधे आणि गोदाजी जगताप यांच्या तलवारींनी गनिमांच्या फौजा उध्वस्त केल्या.
-
युद्धाचा निर्णायक क्षण आला, जेव्हा मुसेखान व गोदाजी जगताप आमनेसामने उभे ठाकले.
-
रणांगणात तलवारींचा धडाका झाला आणि अखेर गोदाजीच्या घणाघाती वाराने मुसेखान छाताडावर कोसळला!
हा क्षण फक्त विजयाचा नव्हता तर स्वराज्य स्थापनेच्या इतिहासातील पहिला मोठा रणसंग्रामाचा जयघोष होता.
पण प्रत्येक विजयामागे बलिदान असते…
या लढाईत बाजी पासलकर सारखा वीर रणांगणावर अमर झाला.
गोदाजी जगतापांचे योगदान 🚩
गोदाजी जगतापांचे नाव फारशा इतिहास पुस्तकांत आढळत नाही. पण स्वराज्य स्थापनेच्या सुरुवातीच्या टप्प्यात त्यांनी दिलेले शौर्य, पराक्रम व बलिदान अनमोल आहे.
ते फक्त छत्रपतींचे शिलेदार नव्हते, तर स्वराज्याच्या पाया रचणारे अनामिक योद्धा होते.