किल्ले अजिंक्यतारा – मराठ्यांच्या पराक्रमाचा अभेद्य तारा

सातारचा ‘किल्ले अजिंक्यतारा’, म्हणजे केवळ एक दुर्ग नव्हे – तर मराठ्यांच्या संघर्ष, दूरदृष्टी आणि अभंग इच्छाशक्तीचं प्रतीक!

किल्ल्याची निर्मिती शिलाहार वंशातील भोज दुसरा यांनी इ.स. 1190 साली केली.
पुढे तो बहामनी सत्तेच्या, मग विजापूरच्या आदिलशाहीच्या अधिपत्याखाली गेला.
इ.स. 1580 मध्ये आदिलशहा प्रथमाची पत्नी चांदबिबी येथे कैदेत होती.
मराठा सरदार बजाजी निंबाळकर यांनाही याच किल्ल्यावर बंदिवासात ठेवण्यात आले होते.

इ.स. १६८२ नंतर औरंगजेब महाराष्ट्रात शिरला आणि १६९९ मध्ये अजिंक्यतार्‍यावर वेढा टाकला.
प्रयागजी प्रभू, गडाचे किल्लेदार, अपूर्व धैर्याने लढले.
१३ एप्रिल १७०० ला मोगलांनी दोन भुयारे खोदून सुरंग लावले, मंगळाई बुरूज उडवून दिला.
दुसरा स्फोटही झाला, पण गडाच्या तटावर ढासळलेल्या भागानेच उलट दीड हजार मोगलांचा नाश केला.
मात्र शेवटी, २१ एप्रिल रोजी दारुगोळा आणि अन्नसाठा संपल्यामुळे किल्ला मोगलांकडे गेला.
त्यानंतर किल्ल्याचं नाव ठेवलं गेलं – आझमतारा.

ताराराणींच्या सैन्याने काही महिन्यांतच किल्ला परत घेतला आणि त्याचं नाव दिलं – अजिंक्यतारा.
पुढे किल्ला पुन्हा मोगलांच्या हाती गेला, पण १७०८ मध्ये शाहू महाराजांनी फितवून किल्ला हस्तगत केला आणि आपला राज्याभिषेकही याच किल्ल्यावरून केला.
इ.स. १७१९ मध्ये महाराजांच्या मातोश्री येसूबाई यांना किल्ल्यावर आणण्यात आलं.

🌟 किल्ले अजिंक्यतारा – नावातच आहे विजयाचा ध्वज!

ही गडकथा म्हणजे फक्त ऐतिहासिक घटना नव्हे – ती अजिंक्यतेची गाथा, शौर्याची प्रतिकृती, आणि मराठा अस्मितेचं अविचल प्रतीक आहे.